Бидэнд аль үйлдэл нь зөв юм бол?

Сайн байцгаана уу? Манай найз охин одоо жирэмсэн, бидний тооцоогоор 1 сар-с 1 сар хагастай. Бид бие биедээ хайртай. Гэхдээ тэр маань төрүүлэхийг хүсэж байгаа ч 1 асуудал бидэнд байгаа ба  20-оод хоногийн өмнө бэлэг эрхтэн нь хорсоод цагаан юм гарч эхлэсэн, бас хөхний толгой нь маш их хөндүүрлэсэн тул / бид өөр хүнтэй хэн нь ч хавьталд ороогүй / эмэгтэйчүүдийн эмнэлэгт үзүүлтэл мөөгөнцөртсөн байна / тэр үед найз охин маань ходоодны Helipac ууж байсан ба тэрнээс их шалтгаалдаг гэж тэр эмч хэлсэн/ цифроплоксацин, тинидазол гэсэн 2 тус тусдаа 10 ширхэгтэй антибиотик бас 2 ширхэг мөөгөнцөрийн эм өгсөн. Тэр эмийг уугаад (6 сарын 19-29ны хооронд ) мөөгөнцөрийн асуудал шийдэгдэж арилсан ч сарын юм нь ирэхгүй байсан тул /байнга тогтмол хугацаанд ирдэггүй хэд хоногийн зөрүүтэй ирдэг/ 5 хоногийн өмнө бид тестээр үзэхэд жирэмсэн гэж гарсан.

Гэтэл би дараа нь хайж уншиж үзэхэд жирэмсэн үед тинидазолийг жирэмсэн үед хориглодог, харин цифролитийг эмчийн хяналтын дагуу хэрэглэх боловч жирэмсэн хүнд маш муу гэж ойлгов. Ер нь анхнаасаа антибиотикийг хэрэглүүлдэг, мөөгөнцөрийн эмчилгээ хийлгэхээс өмнө жирэмсэн эсэхийг шалгаж үзэцгээх минь яав даа гэж маш их харамсаж байна. Тэгээд өөр эмчээс асуухад антибиотик хэрэглэхэд урагт өөрчлөлт ордог, бие эрхтний гажигтай хүүхэд гарах магадлалтай гэлээ. Энэ тохиолдолд яавал дээр вэ? Би түүндээ маш их хайртай, хэрэв төрүүлэе гэж шийдвэл хүүхэд маань эрүүл бус гарах болов уу гэж секунд тутамд санаа зовох юм.