Эр хүн яагаад эхнэрээсээ хараат болдог вэ?

Бусдаас хараат хүмүүс ялихгүй зүйлд ч бие дааж шийдвэр гаргаж чаддаггүй. Тухайлбал эхнэрийнхээ асрамжаас хараат байдалд орсон эрэгтэй хүн “Надад цай хийсэн үү”, “Сахар хийж хутгасан уу” гэх мэтийн асуултыг байнга тавьж байдаг. Мөн эд зүйлс, хувцас хунараа хаана тавьснаа байнга асууж байдаг зуршилтай болчихдог.

Тийм эрчүүд эхнэрээ хаа ч явсан цаг үргэлж дагаж явдаг. Хэрэв та ийм хүнээс залхаж байсан ч гэсэн аль болох харьцаагаа хадгалахыг хичээгээрэй. Учир нь тэр танд гомдвол тэрнээсээ ч дор юм болно. Ер нь бусдаас хараат хүмүүс өөрийгөө юунд сонирхолтой, өгсөн үүрэг даалгаварыг хэрхэн хийж гүйцэтгэх болон аливаа нэгэн асуудал дээр бие дааж шийдвэр гаргах тал дээр маруухан байдаг. Энэ нь тэдний зан характерийн нэг сул тал юм.

Эдгээр хүмүүстэй яаж харьцах хэрэгтэй вэ?
– Тэдэнд туслахаас бүү татгалз.
– Магадгүй энэ нь танд залхуутай бас яршигтай санагдаж байж болох юм. Гэхдээ тэдний энэ занг гэм биш зан хэмээн үзэж тайван ухаалаг хандах хэрэгтэй.
– Түүнд өөрийг нь ойлгож, хайрлаж байгаа сэтгэгдэл төрүүл.
– Цаг заваа түүнд зориулж байхыг хичээгээрэй.

Тэднийг хэн нэгнээс хараат бус байхад нь туслъя гэвэл:
– Хэзээ ч бүү зэмлэж загнаж бай,
– Аливаа ажилд нь тусалж байгаа мэт дүр үзүүл,
– Аль болох өөрөөр нь хийж гүйцэтгүүл,
– Мэдэхгүй чадахгүй зүйлд нь тусалж, зөвлө,
– Тойруу замаар, тоглоомын аргаар аливаа юмыг сэтгэн бодуулж, хариултыг нь олуулж байх,
– Шийдвэр гаргах үед нь өөрт нь даалгаад хөндлөнгөөс ажиглаж байх хэрэгтэй,
– Цаг үргэлж аливаа юм болгонд нь оролцож өмнөөс нь шийдвэр гаргаж өгөхгүй байх хэрэгтэй,
– Хэт их асран хамгаалж, анхаарал тавиад байлгүйгээр алтан дунджийг баримтлах нь чухал.

/Хань/

3 Comments

  1. Jack says:

    … утсан хүүхэлдэй юмуу хаашаа юм…. ийм залуу сонирхдог эмэгтэй бас бдаг байлгүй дээ….бодвол!

  2. uranzurag says:

    хүүхэд хүмүүжүүлж байгаа юм шиг юм болох нь ээ.

  3. ww says:

    ene chine tashaa medee bna ehnereesee yaagaad tiim yum asuuj bolohgui gej ugaasaa bugd l tiim bdagshd
    chi ehneriinhee daranguillald orson gehgeed bna u ugui
    chinii heleh geed bgaa yum chine shaal enenees shaal oor za yu

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.