Асуулт

Сайн байцгаана уу, та бүхэнд энэ өдрийн мэндийг хүргэе. Энд хүмүүс янз бүрийн асуудлуудаа их л бичицгээх юм. Нэг юм хэлэхэд асуудалгүй үл ойлголцлыг туулаагүй хосууд, гэр бүлүүд гэж байдаггүй байх. Бүх л түүхүүд гэнэтийн учрал, сайхан болзоо, хайр халамж гээд л сайн сайхан зүйлсээр эхэлдэг. Гэвч 2 өөр орчинд, 2 өөр амьдралын асуудлуудыг туулаад ирсэн 2 хүн хоорондоо зөрчилдөхгүй байна гэж хэзээ ч байхгүй. 

Би одоо найз залуу буюу нөхөртэйгөө хамтдаа амьдрадаг 25 орчим насны жирийн нэгэн бүсгүй. Мэдээж аз жаргалтай мөч, түүнийгээ харамлах сэтгэл төрөх үе гээд л бүгдийг үзсэн. Одоо эргээд харахад гомдох үе байсан ч тэвчээр гаргаж, нэгэнт сонгосон хүн маань учраас салж хагацахыг түрүүнд болгоод яахав гэж үерхсээр одоо нэг гэрт ороод 2 сар орчим болж байна. 

Тэгтэл нэг ацан шалаанд орчихлоо. 

Манай хүн нэг том хүний их ойр дотны ажилтан нь. Дуудахаар нь очоод л хэдийд харь гэнэ, харьсан хойно нь хэдийд ир гэнэ бүгдийг нь хэлснээр нь хийнэ. Амралтын өдөр гэж байхгүй ээ. Ямарваа нэгэн хамтдаа цагийг сайхан өнгөрөөх төлөвлөгөө гаргаад ч хэрэг байхгүй. Сайхан явж байтал дуудахаар нь хаана ч байсан хамаагүй автобусны буудал дээр очоод л “-Буу, дарга дуудаад байна. Эндээсээ автобусанд суугаад харьчих. За баяртай.” гээд л алга болж өгнө. Халуунаар нь оройн хоолыг нь өгчих юмсан гээд хүлээж суугаад ч нэмэргүй. 

Хамгийн гол нь мэдээж энэ ажилдаа дүйцсэн өндөр цалин авна. Өмнө нь 4 жил нэг том компанид ажиллаж байхад нь энэ хүн ажлын санал тавьж, худалч хүнд хулгайлж л бараг хажуудаа авсан байх. 

Өмнөх компанидаа ажиллаж байхад нь би ажилд орж, бид 2ын түүх эхэлсэн. Энэ ажилд орсноос нь хойш бид 2 тусдаа гарч, сайхан амьдрал эхэллээ гээд л үнэхээр аз жаргалтай сайхан гэр бүл болно гэж итгэсэн. 

Тусдаа гарахын өмнөхөн би эмнэлгээр явах асуудалтай тулгарч гэртээ байж эмчилгээ хийлгээд л 2 сарыг өнгөрөөлөө. 

Өглөө босгож өмсөх хувцас, өглөө цайг нь бэлдэнэ, өдөр ажлынхаа дундуур ирвэл өдрийн цай бэлдэнэ. Орой хоолоо хийгээд л хүэлээж эхэлнэ. 

Манай хүн япаж байхад их найзуудтай юм аа. Байнгын зочин архи пиво гээд л, хамаатан садан нь ч их ирнэ. Хүн хоноогүй үеэр ядарч байна, нойроо авахгүй бол болохгүй ээ гээд л орой ажилаасаа ирээд нөгөө ажлаа хийчихээд л унтаад өгнө. Өглөө босоод л явна. Ийм байдлаар 2 сар өнгөрлөө. 

Миний хувьд гэвэл нөхрөөсөө 3аар эгч. Их сургуулиа төгсөөд л шууд ажил хийж, ер нь бол гэртээ сууж байгаагүй ээ. Одоо ажил хайгаад гарвал шууд л ажилд орчихсон буцаад л ирэх байх. Тийм царайлаг сайхан биетэй биш ч сэтгэл сайтай юм болов уу л гэж боддог. 

Эмчилгээгээ дуусаад ажил хайх гэж байтал манай хүн машинаа надад өгөөд шинэ машин авна гэхээр нь жолоонд суухаар болж бас л – сар хүлээх хэрэгтэй болчихлоо. Ямар дөнгөж ажилд оронгуутаа жолоо гээд ажлаас чөлөө аваад байлтай биш. Өмнө нь үнэмлэхгүй хэрнээ жолоо барьж яваад осол гаргахаа дөхсөн болохоор ном журмаар нь хичээлээ таслахгүй сурчихмаар байдаг. 

Асуудал юунд байна вэ гэхээр. 

Миний бодлоор гэр бүлийн амьдрал гэдэг бол мөнгө олоод л гэртээ авчирдаг. Мөнгө яаж олох нь эхнэрт нь сонин биш. Гэртээ ирэхэд цэвэрхэн хувцас, хоол нь бэлэн байхад болоод л нөгөө ажлаа хийчихээд л гэртээ нэг бүсгүйг хүлээлгээд суудаг зүйл биш байх гэж бодож байна.

Жирийн нэг байгууллагад ажиллаад, цаг нартай амралтын өдөртэ, амралтын өдрөөрөө эхнэртэй гэртээ санаа тавьдаг хамтдаа цагийг инээж өнгөрөөж чаддаг амьдрал л гэр бүлийн амьдрал юм шиг. Манай хүн жирийн компанид ажлаад, би ажилд ороод дажгүй цалин авчихвал уг нь одоо аваад байгаа уалинг нь бид 2 авна ш дээ. 

Амьдарч байгаа байр маань манай ах бид 2ын дундын өмч учраас хэрвээ зарна гэьэл би хагас мөнгөө аваад байрны урьдчилгаа юм уу, сайхан хашаа байшинтай амьдарч болохоор. 

Үерхэж байхдаа би хүүхэд олоод гэдсэндээ амьгүй болгосон. Одоо эмчилгээ дуусаад бүх зүйл ок гэсэн болохоор уг нь дахиж хүүхэд олоод халуун дулаан уур амьсгалтай сайхан амьдармаар байдаг. 

Тэгтэл дарга нь манай хүнд “Мини хажууд сайн ажиллаарай. Хауудах хүнээ би орон байрны асуудалгүй, хадгаламжиндаа санаа зовох зүйлгүй бологож өгнөө.” гэсэн. Манай хүн ч би хэрэггүй юм шиг л ажиллах юм. Тэгээд зав чөлөөгөөрөө найзуудтайгаа уулзана. Унтаж иднэ. Ингээд л амьдрал үргэлжлэх юм гэж үү.

Томчууд бас муухай. Сайхан сайхан охидуудтай их уулзана. Нөгөөдүүлигйээ цэцэг гээд л зуучлалын асуудалдаа хүртэл манай хүнийг гүйлгэнэ. Охидууд ч бас муухай болжээ. Өчигдөр бүр хармаар санагдаад нөхрийгөө дагаж явсан. Би хүртэл ямар хөөрхөн гоё охин бэ гэмээр хүн л өөрийнхөө аав шигээ хүнтэй уулзахаар гүйх гэж. Мөнгө хүчтэй болчихжээ. Нэг өдөр манай хүнийг чи энэ цэцэгнээс амсах уу, гэвэл өнгөрөө өнгөрөө. 

Тэгээд би бодлоо. Шиөнө хэдэн ч удаа босож ус ууж бие засав. Манай хүн энэ даргыгаа дагаад үнэхээр хөрөнгө мөнгөний тал дээр асуудалгүй боллоо гэж бодъё. Муугаар яривал энэ хүнийг өнгөрөн өнгөртөл насаараа өөрийн дураараа биш энэ хүний дураар амьдарна. Шөнөдөө ирэхгү байсан ч би тэвчээд л ар гэрийнх нь асуудлыг зохицуулаад зүгээр л мануухай шиг байх уу, эсвэл салаад ганц бие амьдарлыг сонгох уу.

Хамгийн гол нь би нөхөртөө үнэхээр хайртай. Хэдий хүлээж хүлээж  ядсан хэдий ч орой ирэхэд нь цээжийг нь тэврээд унтах үнэхээр сайхан. Даанч би халуун дулаан гэр бүлийн амьдралыг хүсэж байна. 

Би өглөө ажилдаа явахаасаа өмнө энэ бодлуудаа хэллээ. Тэгсэн манай хүн “Чи энэ бүгдийг өөрөө л шийд. Чамайг сална гэвэл би сална. Өөрөө бод доо” гэсэн. 

Ажлаасаа бол яав ч гарахгүй. Тэгэхээр би энэ хүнийг хайрлаад тэвчээд нүдээ аниад амьдрах уу, эсвэл ганцаараа дараа өөр хүн таарах байлгүй дээ, эсвэл цаашид хүнтэй нийлэхгүй гэж амьдрах уу. 

Миний нэр дээр байрны зээл байдагт манай ах ээж эд нар амьдардаг. Би ч сайн ажиллаж байгууллагаасаа машин авахуулж унах юм уу, өөрөө мөнгө хуримтлуулж байж л машинтай болно. Эсвэл тал мөнгөөрөө таарсан нэг хашаа байшин авах юм уу, мэдэхгүй ээ, одоо нөхрийнхөө зориод байгаа амьодралд бол би ганцаараа их л зүтгэж байж л хүрэх байх. 

Тэгэхдээ хүний эрхээр жаргахаар өөрийн эрхээр зов оо гэдэг үг байдаг даа. 

Би уг нь нөхрийнхөө хүүхдийг гаргаж сайхан амьдармаар байна. Манай хүний гэрийнхэд би таалагддагүй, өөрсдөө л мэд гэдэг. Манайхан болохоор бас л өөрөө мэд гэдэг. 

Ээжид энэ асуудлуудаа хэлвэл ажил хийгээд, сайхан мөнгийг нь аваад л гэрээ тохижуулаад тайван байж л амьдрахгүй юу даа л гэх байх. 

Мэдэх юм алга даа. Одоо би гэртээ ганцаараа. Интернетээр хэлээ сайжруулах санаатай сайт ухаад л сууж байна. Найзуудтай маань уулзуулахгүй байссар байгаад бас хол хөндийрүүлчихсэн. Хэдий мөнгө сайн олдог ч гэсэн энд тэнд дэх асуудлуудад зарцуулсаар төдийлөн илүү хэрэглээний мөнгө гаргаж чадахгүй юм. Орлого зарлагаа хянах гээд л үзэж өгч байна даа. 

Би зүгээр л асуудалгүй, хэрүүл гарах нөхцлийг ухаалгаар шийдээд л явмаар байна. Би тэгэхдээ хэр удаан ингэж хамт амьдрахаа мэдэхгүй байнаа.

Нэмж хэлэхэд хэрвээ эрэгтэй хүн үүнийг уншиж байвал “Миний бодлоор эмэгтэй хүнд мөнгө байраас илүү халуун дулаан хайр энхрийлэл бас аргадуулах гэдэг зүйлийг хүсдэг юм шүү” л гэж хэлмээр байна. 

Зөв талаас нь хөндөлгийн нүдээр гарц хараад өгөөрэй баярлалаа.