Тэр үнэхээр надад дурласан уу?

Би эхнэр хүүхэдтэй жирийн л нэр дундаж амьдралтай залуу. Надаас 12 насаар дүү ганц бие нэг эмэгтэй 3 жил хамт ажиллаж байгаад саяхан ажлаасаа гарч байгаа юм аа.

Миний хувьд сайн дүү, ажил дээрээ аль болох тусалж дэмжээд, мөнгө энэ тэр хааяа даа зээлээд л тэгээд байдаг байлаа. Үнэхээр эгдүүтэй хөөрхөн охин болохоор сэтгэл татагдаггүй байсан гэвэл худлаа хэлсэн болно л доо. Гэхдээ би чинь эхнэр хүүхэдтэй болохоор гадаа огт ил гаргаж, эсвэл оюун бодолдоо хэзээ ч хүлээн зөвшөөрдөггүй ээ.

Сая ажлаас гарахдаа надад үнэхээр их хайртай гэдгээ шууд хэлсэн би хэлэх үггүй ахаарай тоглоод л гээд өнгөрөөсөн. Нэг газар ажилладаг болохоор таньд огт мэдэгдэхгүй гэж хичээж ирсэн гэнэ ээ. Цаашид надтай холбоотой байгаарай ахаа гээд ажлаасаа гарсан. Би яахав, фитнесс энэ тэрд явдаг болохоор бие, царай зүс бол хүнээс гологдоод байх зүйлгүй л дээ.

Би бол тэр охинтой цаашид холбоотой байх бодол байхгүй ээ. Учир надад сайн бол би л хүлээн зөвшөөрөхөд л цаашид харилцаа гүнзийрэх тул эхнэрээ хуурах бодол надад алга. Эмэгтэй хүн өөрөөсөө 12 насаар ах залууд үнэн сэтгэлээсээ дурлана гэж байх уу?