Хамтдаа байх урлаг

Секст хоёр дайсан байдаг. Энэ эрүүл мэндийн таагүй байдал, хамтрагчтайгаа таагүй харилцаатай байх. Сексийн амьдралаа сайжруулж, зөв зүйтэйгээр удирдан явахад тийм ч их хүч, хөдөлмөр шаарддаггүй. Түүнээс гадна хамтрагчтайгаа бүх тал дээр санад нэгдэж, сайн холбоо тогтоон эрүүл харилцаатай байна гэдэг урлаг юм.

Сексийн эрүүл мэндийн гол дайснууд

Эдгээр нь мэдээж эрүүл мэндийг ч бүхэлд нь муутгаад зогсохгүй хунийг наснаас нь эрт хөгшрүүлдэг байна.

• Ийм хүчин зүйлсийн нэгдүгээрт тамхи бичигдсэн байна. Тухайн хүн өөрөө тамхи татдаггүй ч дэргэдэх хүн нь татдаг бол тамхины утаа согтууруулах ундааг хэтрүүлэн хэрэглэснээс ч илүү аюултай юм.

• Таргалалт болон түүнтэй холбоотой эрүүл мэндийн таагүй байдал нь сексийн хэвийн байдлыг эвдэх гол шалтгаан мөн. Ялангуяа ийм шалтгаанаар сексийн хэвийн байдал алдагдах явдал эрчүүдэд элбэг тохиолддог. Харин эмэгтэйчүүдийн хувьд ийм бэрхшээл хэт тарган юмуу хэт туранхай байвал тулгарна. Мөн буруу хооллолт, уураг, аминдэмийн дутагдал ч түгээмэл асуудал. Залуу насанд эдгээр зүйлстэй холбоотой сексийн хэвийн бус байдал төдийлөн ажиглагдахгүй ч нас ахихад огцом мэдрэгдэх талтай. Ялангуяа хоол тэжээлийн дутагдлаас болж сексийн ямар ч хүсэлгүй болох үзэгдэл элбэг тохиолддог. Гэтэл хүмүүс учир шалтгааныг өөр зүйлээс эрэх юмуу хамтрагчдаа ихэвчлэн бүх бурууг өгдөг.

• Сэтгэлийн хямрал болон гүн ядаргаа нь гэр бүлийн хэвийн харилцааны хамгийн чухал дайсан гэхэд хилсдэхгүй. Ийм асуудал бизнесмен болон цаг наргүй ажилладаг эрчүүдийн эхнэрүүдэд түгээмэл тулгардаг. Эрчүүд ид цэцэглэх, идэвхитэй насан дээрээ хоол тэжээл, амин дэмийн хэрэгцээг төдийлөн ойшоодоггүйгээс гадна стресс, хэт их ажлын ачааллын улмаас сексийн дур хүслээс бараг л бүрэн холдчихдог.

• Гадны нөлөөллөөс хамааралтай бус сексийн асуудлууд гэж бас бий. Ийм асуудлуудын хамгийн түгээмэл нь ихэвчлэн эмэгтэйчүүдэд ажиглагддаг дур тавихгүй байх, сексийн үед өвдөлт мэдрэх зэрэг бэрхшээлүүд. Эрчүүдэд хэвийн хугацаанаас эрт, түргэн хугацаанд дур тавих асуудал элбэг тохиолддог. Ийм асуудлууд хэрэв таны харилцаанд байгаа бол даруй эмчид хандах нь зүйтэй. Эдгээр нь 80-90 хувь хүртэл засрах бүрэн боломжтой асуудал.

• Сексийн эрүүл мэндийн гол дайсан бол бид өөрсдөө. Тодруулбал, харилцааны тухай соёл, мэдлэг тааруу байх явдал. Эрчүүд гэрлэлтээ бүртгүүлчихээд л өөрийнхөө үүргийг гүйцэтгэсэн гэж боддог гэнэ. Тиймдээ ч эхлэлийн үеийн гал халуун сэтгэл, халамж анхаарлаа бараг л гээдэг. Эхнэртээ хэрхэн таалагдах, яаж баярлуулах зэргийг аажмаар мартаж эхэлдэг. Тэгвэл эмэгтэйчүүд нөхөртэйгээ маргалдахдаа яаж ийгээд л давчих санааг агуулан, бууж өгөхийг хүсдэггүй байна. Ийм хүслээсээ болж нөхрөө шүүмжлэн, байж боломгүй зүйлсээр ч доош нь хийн доромжилж чаддаг байна. Түүний өнөөдрийн ялалт нь маргаашийн ялагдал гэдгийг эмэгтэйчүүд ухаардаггүй. Тэд зөвхөн тэр өдрөө л харж чаддаг. Хэрвээ нөхөр нь эхнэрээ эмэгтэй хүн гэж харахаа больчихвол эхнэр нь бурууг өөрөөсөө л хайх хэрэгтэй гэнэ. Тиймээс эр, эм алиных нь ч хувьд хэрүүлийн баатар болох гэсэн хүсэл, ууруцаар, өрсөлдөөн, хардалт, мөнгөтэй холбоотой маргаан, биесийнхээ хүсэл, сонирхлыг хүндлэхгүй байх зэрэг нь сексийн харилцааны жинхэнэ дайсан болдог. Гэтэл хүмүүсийн дийлэнх нь эл дайсны эх сурвалжийг огт өөр зүйлээс эрэлхийлдэг. Эмэгтэйчүүд ихэвчлэн гадаад зүйлсээр өмнөхийг өөрчилчихнө гэж андуурдаг. Шинэ даашинз өмсөх ч юмуу үсээ өөрчлөхөд тэдний харилцаа эргэзд сайхан болох юм шиг тэдэнд санагддаг. Гэтэл энэ арга эрчүүдийг бүр бухимдуулахад ч хүргэдэг тал бий. Тийм болохоор эр, эмийн дотоод харилцаа, мэдрэмжинд хамтрагчдын гадаад байдал ямар ч өөрчлөлт авчирдаггүйг санах хэрэгтэй юм.

Эмэгтэйчүүд сексийн үед юун тухай боддог бол?

Сексийн үед эрчүүд сексийн тухай л боддогийг хүн бүр мэднэ. Харин эмэгтэйчүүд энэ үед хамтрагчаасаа бусад бүх зүйлийн тухай бодож чаддаг гэнэ. Энэхүү нууцлаг бодол, уран сэтгэмжийнхээ талаар тэд хэзээ ч, хэнтэй ч хуваалцдаггүй. Харин сэтгэл судлаачид энэхүү далд ертөнцөөс нь тольдож чадсан аж. Тиймээс залуу Та хамтрагч бүсгүйгээ сайтар ажигласнаар түүний дотоод ертөнцийн сонирхолтой нууцуудаас мэдэж болно.

-Та хоёр хамтдаа олон жилийг үдэж буй. Найз бүсгүй тань ямар ч шалтгаангүйгээр таныг хоргоон эрхэлдэг цаг хэдийнэ ард үлдсэн. Энэ үед тэрээр гэрлээ унтраахыг илүүд үзэн, таныг нэрээр чинь бараг л дуудахгүй. Мөн тантай ярилцахыг хүсэхгүй, сексийн үед нүдээ анина. Ийм байдал ажиглагдах юм бол найз бүсгүй тань өөр эр төсөөлж байж болзошгүй. Гэхдээ Та гонсойх хэрэггүй шүү. Учир нь эмэгтэйчүүдийн эл уран зөгнөлд олны танил нэрт жужигчин юмуу олон нийтийн зүтгэлтнүүд ихэвчлэн оршдог. Сэтга^! судлаачдын явуулсан судалгаагаар эмэгтэйчүүдийн 35 хувь нь сексийн үед алдартай хүмүүсийг төсөөлдөг бол 20 хувь нь тодорхой нэг хүнийг, 45 хувь нь өөрийн төсөөллөөсөө ургуулсан хийсвэр төгс хүний тухай боддог гэнэ.

Энэ үед Та бухимдан өөрийгөө зовоох хэрэггүй. Эмэгтэйдээ илүү анхаарал хандуулахыг л хичээ. Анх та хоёрын харилцаа хэрхэн эхэлснээ санаж, бүсгүйгээ энхрийлэн эрхлүүл.

-Эмэгтэй тань ихэнх байрлалаас эрс татгалздаг. Түүнд их л таагүй байгаа нь танд мэдрэгдэнэ. Ойртох үед гэрэл унтраахыг танаас гуйх бөгөөд харанхуй орчинд ч танаас зайгаа барьсаар байгаа нь илт. Гар хөл нь таныхтай шүргэлцсэн ч гэнэт цочиж, гарыг тань биедээ хүргэхээс болгоомжилно. Эмэгтэйчүүдийн ердөө таван хувь нь л өөрийн биеийн галбиртаа сэтгэл хангалуун байдаг гэнэ. Үлдсэн хэсэг нь биеийнхээ аль нэг хэсэгт юмуу ерөнхийд нь шүүмжлэлтэй ханддаг. Тийм болохоор хайртай хүнтэйгээ нэг оронд орох үедээ суларч унжсан гэдэс, хэт тарган бөгс, ширүүн арьс зэрэг таагүй бүхэнд нь таныг хүрнэ гэхээс айдаг байна. Сексийн үед ч энэ айдас нь үргэлжилсээр байдаг. Тэгвэл ийм үед бүх зүйл таны гарт байна гэсэн үг. Түүний бие таалагддагийг хэл, арьс, гар хөл нь гоё юмаа гэж магт.

-Секс судлаачид жирэмслэлтийн тухай бодол ч мөн эмэгтэйчүүдийн толгойд байнга эргэлддэг түгшүүр мөнийг тодорхойлжээ. Хэрэв ийм түгшүүр таны бусгүйг зовоодог бол хамгаалах янз бүрийн арга хэрэгслийг хамтдаа судлан ашиглах нь зүйтэй. Энэ нь та хоёрын хамтын асуудал болохоор ямар нэг зүйл тохиолдвол хариуцлагыг хамтдаа үүрнэ гэдгийг байнга сануулж байгаарай.

Сайхан хос болж төрдөггүй, харин тийм болж хүмүүждэг

Сексийн төдийгүй энгийн амьдралд ч бүх зүйл тэнцүү байх нь ховорхон тохиолдол. Хүн бүр уналт, өгсөлт бий. Амьдралын мартагдашгүй, тод агшнууд ч бас бий. Тиймээс бүх сайхан зүйл ард л үлдэж дээ гэсэн сэтгэгдлийг хамттрагчдаа төрүүлэхгүйгээр амьдрах хэрэгтэй Дашрамд сонирхуулахад, сексийн амьдралаа уран бүтээлийн талбар гэж үзэн байнга шинийг эрэлхийлж, шинэ зүйлээс санаа аван суралцаж байдаг хүмүүсийн энэ талын харилцаа хэзээ ч гундмал байдаггүй. Секс ч мөн амьдралын бусад үе давхарга шиг таны хүслээр төгөлдөржин цэцэглэж эсхүл уруудан гундана. Үүнийг олон хүн ойлгон мэргэжлийн талаас хандах нь ч бий. Тийм болохоор өөрийн ажилдаа мастер байх эсэх нь зөвхөн танаас л шалтгаална.

Ц.Мөнхжаргал
Үнэн