ХДХВ-ийн халдвартай иргэн бүрэн эдгэрчээ

1988 онд  ДОХ/ХДХВ-ийн халдвартай гэж оношлогдсон хүн уг вирусээс бүрэн эдгэрлээ хэмээн ВВС мэдээллээ. Ийнхүү энэ нь ХДХВ-ийн халдвараар өвчилсөн хүн бүрэн эдгэрсэн дөрөв дэх тохиолдол болж байгаа юм.

Дээрх өвчтөн ДОХ/ХДХВ-ийн халдвараас гадна цусны цагаан эсийн хорт хавдартай хэмээн оношлуулж, хавдрын эсрэг химийн эмчилгээ хийлгэж байжээ. Эмчилгээний явцад түүнд ДОХ-ын халдварт тэсвэртэй донорын эсийг суулгасан байна. Хэсэг хугацааны дараагаар өвчтөний ДОХ/ХДХВ болон цагаан эсийн хорт хавдар аль аль нь үгүй болсныг олж тогтоогоод байгаа юм.

Өдгөө 66 настай өвчтөн энэ талаар “Би анх 1988 онд оношлуулж байсан. Тухайн үед мэдлэг, мэдээлэл дутуу байсны улмаас ХДХВ-ийн халдварыг шууд үхэлд хүргэх аюултай вирус гэж боддог байлаа. Цагаан эсийн хорт хавдрын эсрэг химийн эмчилгээг нэг жилийн өмнөөс эхлэн хийлгэхээ больсон. Ийнхүү аажмаар халдвар нь багасах болсон. Одоогоор ДОХ-ын халдварын эсрэг ямар нэгэн эм уухаа зогсоогоод байна. Өөрийгөө энэ өдрийг хүртэл амьд явна гэж төсөөлж байсангүй. Одоог хүртэл итгэхгүй байна” гэжээ.

SOURCE: gogo.mn

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.